Onaning mahluqi

Qor bilan qoplangan, dunyodan uzilib qolgan tog‘ qishlog‘ida Elina ismli yosh ayol farzandli bo‘ladi. Ammo chaqaloq oddiy inson emas, balki kichkina ajdarho bo‘lib tug‘iladi. Bu voqeadan xabar topgan qishloq aholisi uni mahluq deb e’lon qiladi va bolani yo‘q qilish uchun ayolning uyiga mash’alalar va toshlar bilan bostirib keladi.Elina esa o‘z farzandidan voz kechmaydi. Uni himoya qilgani uchun ona va bolani qishloqdan haydab chiqarishadi. Ular qahraton sovuq hukm suradigan tog‘larda yolg‘iz qolishadi. Qishloq aholisi ayoz ikkalasini ham halok qiladi deb o‘ylaydi, ammo ona uchun farzandining qanday ko‘rinishda tug‘ilgani muhim emas - uni har qanday xavfdan asrashga tayyor.Onaning mahluqi / Ona tuqqan mahluq — ona va uning g‘ayrioddiy farzandi haqida hikoya qiluvchi qorong‘i fantastika janridagi film. Syujetdagi asosiy qarama-qarshilik shundaki, odamlar tushunmagan narsasidan qo‘rqib, uni yo‘q qilishga urinadi, ona esa butun qishloqqa qarshi chiqsa ham bolasini tashlab ketmaydi.